Það var sól í sinni sýnenda og gesta þeirra við opnun „Götumynda”, fimmtu sýningar af sjö hjá Fókus félögum í sýningaröðinni „Skotið í Fókus 2026” sem er í samstarfi við Ljósmyndasafn Reykjavíkur.
Lesa áfram „Opnun sýningarinnar „Götumyndir”“Þegar Ljósmyndasafn Reykjavíkur opnaði í morgun var röskur hópur sýnenda og sýningarnefndar mættur til að setja upp næstu sýningu Fókus þetta árið, þemað „Götumyndir“ sem er sú fimmta af sjö í sýningarröðinn „SKOTIÐ í Fókus 2026“
Einbeitingin skein af hverju andliti því allt þarf að vera sett upp samkvæmt kúnstarinnar reglum. Og hallamálið var mundað í gríð og erg.
Lesa áfram „Sýningaropnun „Götumynda“ föstudaginn 24. 7. 2026“Nýlega tók ég þá ákvörðun að skella mér af krafti í myndatöku með löngum opnunartíma. Sumir myndu kannski kalla þetta dellu, að leggjast af fullum þunga í áhugamálin hverju sinni. Fyrir um 20 árum tók ég kryddjurtaræktun sömu tökum. Námskeið sótt, bækur keyptar, efni lesið á netinu og endalaust prófað, þar til íbúðin fylltist af basil og um 90 kryddplöntur stóðu í gluggunum þegar mest var.
Auk þess las ég mig til og prófaði mig áfram, það kemur auk þess ótrúlega mikill lærdómur út úr því að skrifa um efnið. Þessi grein um ljósmyndun með löngum lokunartíma er einmitt dæmi um það. Greinin verður til sem hluti af vegferð minni að læra aðferðina. Pistillinn er ekki saminn út frá hæfni, heldur út frá þörf til að læra og skilja og verður til með því að tengja stutta reynslu við efni af vefnum og setja fram á aðgengilegan hátt. Pistillinn gagnast vonandi sumum, og öðrum eflaust alls ekki.
Pistillinn er langur og fjallar m.a. nokkra þætti sem skipta máli fyrir langan lokunartíma, svo sem ljósþríhyrninginn, stop, búnaður, mismunandi kerfi og mismunandi mælingar á styrk filtera.
Lesa áfram „Langur lokunartími, hugrenningar byrjanda“
Jóhanna Ingimundardóttir ritar:
Það voru 24 Fókusfélagar sem hittust í Hádegismóum á planinu hjá Snæland Grímssyni, þar beið glæsileg 50 manna rúta.
Það var góða blanda Fókusfélaga, ættingja, vina og ferðamanna sem mættu í opun „Abstrakt“, fjórðu þemasýningu Fókus föstudaginn 5. júní 2026.
Í þetta skipti áttu sjö Fókusfélagar myndir þar og féll samsetning sýnenda þannig að flestir þeirra eru í stjórn eða nefndum félagsins.
Guðbrandur Benediktsson safnstjóri ávarpaði sýnendur og gesti og fjallaði meðal annars um mikilvægi grasrótarfélags eins og Fókusar fyrir ljósmyndasamfélagið.
Stefán Hrafn Jónsson, formaður Fókus, ávarpaði gesti, kynnti sýnendur og þakkaði Ljósmyndasafni Reykjavíkur þeirra stuðning og góðu þjónustu.
Lesa áfram „Abstrakt – Sýning Fókus opnuð“Abstrakt myndir tilbúnar fyrir opnun dagsins. Hér má sjá hluta sýninganefndar og sýnenda vinna að uppsetningu fjórðu af sjö sýningum Fókus í Skotinu, Ljósmyndasafni Reykjavíkur, Tryggvagötu 15, 6. hæð sem opnar föstudaginn 5. júní kl. 16:00. Sjáum vonandi sem flest ykkar þar.
Yfirlit yfir helstu myndvinnsluforrit fyrir byrjendur, áhugamenn og atvinnumyndara. Samanburður á Adobe, Capture One, fríum forritum og fleiru.
Athugið: Forrit þróast mjög hratt. Því gæti ýmislegt verið úrellt, svo gæti annað verið rangt þar sem höfundur hefur ekki náð að prufkeyra öll forritið. Allar ábendingar um hvað megi betur fara eru vel þegnar. Efnið er unnið upp úr heimildaleit á netinu, ýmsum myndböndum á YouTube og samtölum við ChatGPT. Það er því líklega að rangfærslur leynist í textanum , bæði um efnisatriði og orðalag. Textinn er birtur án ábyrgðar. Lesendur kaupa, sækja og nota því myndvinnsluforrit á eigin ábyrgð.
Lesa áfram „Myndvinnsluforrit“Þrjátíu og þrír Fókusfélagar ferðuðust um Strandir í vorferð félagsins 2026. Hér má lesa ferðasögu og sjá myndir úr einstaklega vel heppnaðri ferð norður í Djúpavík, Gjögur og víðar.
Fyrir hönd Fókusfélaga þakkar stjórn og ferðanefnd öllum þeim sem komu að skipulagi og mótttöku Fókusfélaga í vorðferðinni norður á Strandir. Ferðafélagar voru allir afar ánægðir með ferðina.
Pistill Önnu Soffíu Óskarsdóttur fylgir, skreyttur myndum ýmissa ferðafélaga.
Vorferð Fókus var farin dagana 1.-3. maí 2026, norður á Strandir. Nokkrir félagar fóru norður á fimmtudegi og höfðu auka myndatökudag á ströndum. Þrjátíu og þrír félagar tóku þátt í ferðinni og hefur aldrei verið farin stærri ferð á vegum félagsins. Nokkrir félagar tóku þátt í sinni fyrstu Fókusferð, á meðan aðrir hafa verið með um lengri eða skemmri tíma. Fókusfélagar komu ekki bara frá Reykjavíkursvæðinu heldur einnig Skagafirði og Akranesi að þessu sinni.
Lesa áfram „Vorferð Fókus norður á Strandir“Þegar farið er í ljósmyndaferð er alltaf hætta á að eitthvað gleymist. Það þarf ekki mikið til; rafhlaða sem varð eftir í hleðslu, minniskort sem liggur enn í kortalesaranum heima eða linsa sem hefði verið fullkomin fyrir akkúrat þetta augnablik sem birtist óvænt. Flestir sem hafa ferðast með myndavél hafa lent í einhverju slíku og læra oft best af eigin mistökum.
Höfundur skellti því hér saman lista sem verður seint tæmandi en gæti vonandi reynst hjálplegur fyrir næstu ferð þína. Listinn byggir að hluta á eigin reynslu, bæði mistökum og því sem hefur reynst vel í gegnum tíðina, en einnig á töluverðri leit og yfirferð á ráðum frá öðrum ljósmyndurum. Sumt á aðeins við í lengri ferðum, annað getur skipt sköpum í stuttu kvöldrölti með myndavélina.
Það sem þarf í ferðina ræðst auðvitað af mörgu. Hvert ferðinni er heitið, hvort ljósmynda eigi landslag, fugla, fólk, norðurljós eða götumyndir, hversu lengi á að vera í burtu og hversu mikið þú nennir bera á milli. Stundum reynist besta myndin tekin með léttum búnaði og góðri hugmynd, en stundum sér maður eftir því að hafa skilið þrífótinn eða filterinn eftir heima. Þá er líka spurning hversu skilningsríkur ferðafélaginn er gagnvart því að báðar auka ferðatöskurnar fari undir ljósmyndabúnaðinn þinn.
Markmiðið hér er ekki að segja fólki hvernig það eigi að ferðast eða hvað sé réttur búnaður. Ljósmyndarar vinna ólíkt og hafa mismunandi þarfir. Ég vona að listinn hér að neðan geti hjálpað einhverjum að muna eftir því sem skiptir máli áður en lagt er af stað, hvort sem ferðinni er heitið í stutta dagsferð, næstu ferð með Fókus, í stærra ævintýri erlendis nú eða í ljósmyndavöruverslunina.
Ef þér finnst eitthvað vanta á listann máttu endilega senda mér línu.
Lesa áfram „Tékklisti fyrir ljósmyndaferðina“Um 46 félagar mættu á aðalfund Fókus sem haldinn var í Hraunbæ 123 þann 21.4.2026 og var stemningin í senn hlý og kraftmikil. Slík mæting á aðalfund er ekki sjálfgefin í félagasamtökum og endurspeglar hún sterka samkennd og vaxandi áhuga á öflugu starfi félagsins. Mæting upp á 25% á aðalfund þekkist vart í íslenskum félagasamtökum.
Ellert B. Guðjósson var valinn fundarstjóri og Brynja Jóhannsdóttir ritaði fundargerð. Bæði sinntu þau hlutverkum sínum af miklum sóma.
Fundurinn fór fram samkvæmt boðaðri dagskrá þar sem hefðbundin aðalfundarstörf voru tekin fyrir. Umræður voru jafnframt góðar og komu fram ýmsar hugmyndir um starfið á komandi ári.
