Næsta þema í sýningu Fókus opnað

Það var fjölmennt og góðmennt á opnun annarrar sýningar Fókus í Skotinu á Ljósmyndasafni Reykjavíkur í dag, 27. febrúar.

Sýnendur f.v.: Óli Elvar Einarsson, Páll Þórir Daníelsson, María Lóa Friðjónsdóttir, Guðjón Ottó Bjarnason, Ingbjörg Óskarsdóttir, Þorkell Sigvaldason og Gunnlaugur Júlíusson. Mynd: Tryggvi Már Gunnarsson

Í þetta sinn er þemað „Landslag“ og sjö Fókusfélagar sýna okkur hvað íslenska náttúran er fjölbreytt, framandi og falleg.

Félagsstarfið í Fókus er gríðarlega öflugt um þessar mundir og eiga sýnendur, sýningarnefnd og aðrir sem komu að þessari uppsetningu hrós og þakklæti skilið.

Hér eru nokkrar stemmingsmyndir frá opnunni:

Bára Snæfeld Jóhannsdóttir opnar sýninguna. Mynd: Tryggvi Már Gunnarsson
Sýningargestir voru á ýmsum aldri. Mynd Tryggvi Már Gunnarsson.
Ingibjörg tekur við blómum frá Jóni Bjarnasyni í sýninganefndinni.

Við hvetjum fólk til þess að kíkja á Ljósmyndasafnið og skoða sýninguna sem verður opin fram yfir páska þangað til að næsta þema tekur við.