Rúmlega 30 félagar mættu á stórskemmtilegan og líflegan kvöldfund þann 18. nóvember þar sem Guðmundur Ingólfsson, ljósmyndari, sýndi fjöldann allan af útprentuðum myndum, sagði sögur af myndefnum, myndavélum og hverju því sem honum datt í hug.
Guðmundur er einn af okkar reyndustu ljósmyndurum og spannar ferillinn rúmlega 50 ár. Viðfangsefni ljósmynda hans komu úr ýmsum áttum og á bak við hverja mynd var skemmtileg saga.
Þetta er skemmtilegt form á kynningu þar sem fundargestir dreifðust um allan sal, skoðuðu myndir, ræddu það sem Guðmundur hafði sagt frá og ýmislegt sem viðkemur ljósmyndun. Það hefur sjaldan verið jafn mikið spjallað á kvöldfundi í Fókus og ljóst að ástríðan fyrir ljósmyndun er mikil í félaginu.
Þetta var virkilega skemmtilegt og gefandi kvöld og virkilega gaman að sjá hversu margir Fókusfélagar tóku þátt í umræðunum.
Fókus þakkar Guðmundi kærlega fyrir komuna!
Viltu vera með?
Ef þú hefur áhuga á að taka þátt í skemmtilegum viðburðum eins og þessum hvetjum við þig til þess að skrá þig í félagið.
Í félaginu er fólk á öllum aldri með mismunandi áherslur, stíl og smekk. Nú er rétti tíminn til þess að hitta annað áhugafólk og læra meira um ljósmyndun.
