Author: Elín Laxdal

Niðurstaðan úr skoðanakönnun meðal félagsmanna var sú að flestir kusu að farið yrði á suðausturlandið í vorferðinni.
Gist verður á sveitahótelinu Árnanesi í 3 nætur. Hótelið liggur sunnan við þjóðveginn ekki langt frá flugvellinum á Höfn í Hornafirði

Ferðin er aðeins fyrir fullgilda meðlimi í Fókus, þ.e. þeir sem hafa greitt árgjald á þessu starfsári.

https://www.tripadvisor.com/Hotel_Review-g189960-d620732-Reviews-Arnanes_Country_Hotel-Hofn_East_Region.html

Gisting kostar 19500 með morgunmat nóttin fyrir 2 í herbergi. Verðið er því 29250 á mann fyrir þrjár nætur.

Pláss er fyrir 20 manns í ferðina.

Hvað dagskrá varðar þá verður það alveg frjálst – þ.e.a.s. ekkert. Fólk fer þangað sem það vill fara í félagsskapi þeirra sem þeir kjósa.
Ekki verður gert ráð fyrir sameiginlegum máltíðum fyrir utan morgunmatinn, nema að fólk komi sér saman um það eftir hentugleika.

Margt er að skoða og mynda í mikilfenglegri náttúru og mun ferðanefndin koma með uppástungur að áhugaverðum stöðum þegar nær dregur.

Frestur fyrir skráningu í ferðina er 1. Maí. Við skráningu á að greiða 29250 kr á reiking 537-26-16822 kt 680499-3149 og senda kvittun á ehlaxdal@gmail.com, ásamt upplýsingum um netfang ykkar. Skráning telst ekki gild fyrr en kvittunin hefur verið móttekin. Skráning er bindandi, þ.e. þeir sem hætta við ferðina verða sjálfir að finna annan gildan meðlim í sinn stað.

Ef fullbókað verður í ferðina er ekkert sem stendur í vegi fyrir því að meðlimir finni sjálfir gistingu og taki þannig þátt í ferðinni.

Nú er þorrinn er genginn í garð og í fylgd hans hefðbundið veðurfar. Veðurfar sem á það til að virka letjandi á það að fara út fyrir dyr með græjurnar. Því hefur verið haldið fram að það sé samasem merki á milli vonds veðurs og góðra ljósmynda. Ekki er víst að það passi í öllum tilvikum – en í vondum veðrum er hægt að negla skemmtilega dramatískar myndir. Áskorun vikunnar er „Veður“ og vonandi verður það hvatning til þess að félagar drífi sig út og myndi þorraveðrið.

Einhvern veginn verður ekki hjá því komist að jólin taka mikinn hluta af athygli fólks þessa dagana. Það sama á við um það sem flestir tengja við jólin, nefnilega matinn.
Áskorun vikunar er að taka/birta svart hvítar myndir af jólamat í víðum skilningi þe matnum sjálfum og öllu sem honum tengist.

Myndin hér að neðan er macro af portobellosveppi. Portobellosveppir eru uppistaðan í jólasósunni á mínu heimili, án þeirra engin jól.

Með ósk um gleðilega hátíð og farsælt komandi ár.

Minnum á dagsferð Fókus verður samkvæmt dagskrá um næstu helgi.
Sjá nánari upplýsingar á spjallinu og í tölvupósti sem var verið að senda út.

Ný vikuáskorun er komin á heimasíðuna. Sjá https://www.fokusfelag.is/spjall/viewtopic.php?f=25&t=502&p=2278#p2278

Vikuáskorun Ingibjargar að þessu sinni er tilkomin vegna áhrifa af síðasta fundi Fókus þar sem Birta sýndi okkur fallegar og skemmtilegar sjálfsmyndir og fleira sem hún hefur tekið.
Hér https://www.fokusfelag.is/spjall/viewtopic.php?f=25&t=498 má finna tillögur en eins og áður er það ímyndunaraflið sem spilar stærsta hlutverkið.
Höfum gaman og sleppum fram af okkur beislinu. Góða skemmtun.

Mynd: Antoine Beauville á Unsplash

Nú eru tvö laus pláss í haustferðina – áhugasamir meðlimir geta haft samband við Ólaf Jónsson olijons@jons.is eða Ingunni Sigurðardóttur ingunn.sigurdar@gmail.com.
Veðurguðirnir hjá yr.no lofa sæmilegum skilyrðum – tiltölulega rólegu en köldu veðri, smá snjókomu og skýjuðu að mestu.
Frekari upplýsingar er að finna í tölvupósti sem var sendur á alla meðlimi í síðustu viku. Fyrir skráða þátttakendur hefur verið komið á fót spjallrás á messenger til þess að auðvelda skipullag varðandi gistingu og akstur. Þeim sem skrá sig í lausu plássin er bent á að láta ferðanefnd vita með tölvupósti á ehlaxdal@gmail.com