Það var vaskur hópur Fókusfélaga sem mætti í Skotið í Ljósmyndasafni Reykjavíkur á miðvikudaginn og setti upp fyrsta hluta sýningarinnar Skotið í Fókus. Bára Snæfeld Jóhannsdóttir tók nokkrar myndir af uppsetningunni sem gekk í alla staði vel.
Uppsetningin gekk glimrandi vel og það er mikil tilhlökkun í Fókusfélögum að opna sýninguna í dag, föstudaginn 9. janúar kl. 16.00. Viðburðurinn er öllum opinn.
Sýninganefnd félagsins á mikinn heiður skilinn fyrir vandaða undirbúningsvinnu og starfsfólk Ljósmyndasafns Reykjavíkur fyrir góðan stuðning við verkefnið.