Í dag bauðst Fókusfélögum að kíkja inn í Toppstöðina og mynda hana nú þegar stendur til að breyta innra rými hennar.
Heimsókn í Toppstöðina
Category: Fókusrölt
Fókus í Krísuvík
Stór hluti af gildi þess að vera í Fókus er að fara saman í styttri og lengri ferðir og njóta þess að taka myndir. Fólk mætir alltaf í góðu skapi, er alltaf tilbúið að aðstoða hvert annað. Eftir ferðirnar er svo gaman að sjá hvernig myndir hinir tóku og hugsa með sér „sniðugt sjónarhorn, sniðug aðferð, falleg mynd, frábær félagsskapur.“
Pistill Önnu Soffíu sem tekur þátt í kröftugu skipulagi ferðanefndar fylgir:
Fyrsta dagsferð Fókus á nýju ári var farin laugardaginn, 21. febrúar. Alls lögðu 12 félagar í leiðangur ásamt hundinum Lóu. Tíu félagar lögðu bílum við Grænavatn og gengu flestir að Austurengjahver, einn heillaðist af Grænavatni, en tveir félagar til viðbótar byrjuðu myndatöku við Kleifarvatn og fóru nokkuð aðrar leiðir, sem tillögur ferðanefndar höfðu bent á sem valkosti.
Lesa áfram „Fókus í Krísuvík“Kvöldrölt, jafningjafræðsla og dagsferð
Það hefur verið mikið líf í starfsemi Fókus undanfarnar vikur þótt ekki hafi það allt ratað á vefinn.
Lesa áfram „Kvöldrölt, jafningjafræðsla og dagsferð“Kvöldrölt um Grasagarðinn í Laugardal
Þriðjudagskvöldið 24. júní 2025 röltu nokkrir félagar í Fókus um Grasagarðinn í Laugardal. Rúmlega fimmtán félagsmenn komu saman þetta fallega kvöld til að taka myndir af blómum – og mynda hver annan við að mynda. Veðrið lék ekki aðeins við okkur heldur líka aðeins lausum hala, með léttum úða í upphafi og vaxandi rigningu þegar líða tók á kvöldið. Það kom þó ekki að sök – þrautþjálfaðir ljósmyndarar vita að undir trénu gerast ævintýr og áhugaverð birtan í bleytunni bætir skap og vinskap viðstaddra.
Lesa áfram „Kvöldrölt um Grasagarðinn í Laugardal“Síðustu viðburðir starfsársins
Mánudagskvöldið 19. maí fór síðasti kvöldfundur starfsársins fram. Þar voru sýndar myndir nokkurra félaga frá vorferðinni og farið yfir þá viðburði sem fram undan eru.
Líkt og hefð er fyrir verða kvöldrölt flest þriðjudagskvöld í júní. Reyndar lendir 17. júní á þriðjudegi þannig að það verður ekki kvöldrölt þá, en í staðinn er stefnt að Jónsmessunæturferð í kringum 20. júní. Að auki er stefnt á dagsferð 24. eða 25. maí, allt eftir veðri.
Nánari upplýsingar um þessar ferðir berast félögum í tölvupósti á allra næstu dögum.
Stjórn Fókus þakkar fyrir sérlega skemmtilegt starfsár og hlakkar til þess næsta!
Kvöldrölt um Búrfellsgjá í rigningunni
Á þriðjudagskvöld 28.05.2024 héldum við í Fókus, félagi áhugaljósmyndara, í skemmtilegt ljósmyndarölt um Búrfellsgjá í Garðabæ. Þrátt fyrir rigningu og smá gjólu, létum við ekki veðrið á okkur fá og nutum þess að fanga einstaka fegurð náttúrunnar.
Sýning, fundir og kvöldrölt
Framundan er síðasta sýningarvika á „Einu sinni var“, samsýningu 39 Fókusfélaga í Borgarbókasafninu, Menningarhúsi í Spönginni. Laugardagurinn 23. mars er síðasti laugardagurinn sem sýningin er opin, en lokað verður í bókasöfnum í dag föstudag vegna starfsdags. Páskar eru svo framundan og því ekki margir dagar eftir, við hvetjum öll til að kíkja sem ekki hafa haft tækifæri til þess enn. Sýningin stendur til 2. apríl.
Lesa áfram „Sýning, fundir og kvöldrölt“Félagsstarfið komið á fullt
Það er óhætt að segja að félagsstarfið í Fókus hafi farið kröftulega af stað. Kynningarfundurinn í september var fjölmennur, góð þátttaka í kvöldrölti, vel heppnuð ferð í Kerlingarfjöll og myndasýning á opnu húsi.
Lesa áfram „Félagsstarfið komið á fullt“Kvöldrölt við Mógilsá
Nokkrir Fókusfélagar hittust við Esjurætur í kvöld, 20. júní, og gengu um í umhverfi Mógislár. Þar var ýmislegt að mynda, fallegur skógarbotn, tré, lúpína í blóma og sitthvað fleira.
Lesa áfram „Kvöldrölt við Mógilsá“Kvöldrölt í júní
Síðasti hluti á starfsári félagsins eru kvöldrölt alla þriðjudaga í júní. Það fyrsta fór fram 6. júní og mættu um 15 félagar í Hólavallakirkjugarð, röltu þar um og mynduðu og enduðu svo kvöldið á kaffihúsi í léttu spjalli.
Lesa áfram „Kvöldrölt í júní“