Tag: fókus

Vorferð Fókus norður á Strandir

Þrjátíu og þrír Fókusfélagar ferðuðust um Strandir í vorferð félagsins 2026. Hér má lesa ferðasögu og sjá myndir úr einstaklega vel heppnaðri ferð norður í Djúpavík, Gjögur og víðar.

Fyrir hönd Fókusfélaga þakkar stjórn og ferðanefnd öllum þeim sem komu að skipulagi og mótttöku Fókusfélaga í vorðferðinni norður á Strandir. Ferðafélagar voru allir afar ánægðir með ferðina.

Pistill Önnu Soffíu Óskarsdóttur fylgir, skreyttur myndum ýmissa ferðafélaga. 

Vorferð Fókus var farin dagana 1.-3. maí 2026, norður á Strandir. Nokkrir félagar fóru norður á fimmtudegi og höfðu auka myndatökudag á ströndum. Þrjátíu og þrír félagar tóku þátt í ferðinni og hefur aldrei verið farin stærri ferð á vegum félagsins. Nokkrir félagar tóku þátt í sinni fyrstu Fókusferð, á meðan aðrir hafa verið með um lengri eða skemmri tíma. Fókusfélagar komu ekki bara frá Reykjavíkursvæðinu heldur einnig Skagafirði og Akranesi að þessu sinni.

Lesa áfram „Vorferð Fókus norður á Strandir“

Kraftur á aðalfundi Fókus 2026

Um 46 félagar mættu á aðalfund Fókus sem haldinn var í Hraunbæ 123 þann 21.4.2026 og var stemningin í senn hlý og kraftmikil. Slík mæting á aðalfund er ekki sjálfgefin í félagasamtökum og endurspeglar hún sterka samkennd og vaxandi áhuga á öflugu starfi félagsins. Mæting upp á 25% á aðalfund þekkist vart í íslenskum félagasamtökum.

Ellert B. Guðjósson var valinn fundarstjóri og Brynja Jóhannsdóttir ritaði fundargerð. Bæði sinntu þau hlutverkum sínum af miklum sóma.

Fundurinn fór fram samkvæmt boðaðri dagskrá þar sem hefðbundin aðalfundarstörf voru tekin fyrir. Umræður voru jafnframt góðar og komu fram ýmsar hugmyndir um starfið á komandi ári.

Mynd: Kristján Kristjánsson
Lesa áfram „Kraftur á aðalfundi Fókus 2026“

Vetrarmyndir á veggjum Skotsins

Vaskur hópur sýnenda og fulltrúa sýningarnefndar Fókus mætti í morgun (15.4.2026) til að setja upp þriðju þemasýningu Fókus 2026, „Vetrarmyndir“ í Ljósmyndasafni Reykjavíkur, Tryggvagötu 15, 6. hæð.

Opnunin er föstudaginn 17. apríl kl. 16:00.  Það er mikil eftirvænting hjá bæði sýningarnefnd og sýnendum sem hlakkar til að sjá ykkur sem flest á opnuninni.

Myndir af vinnu við uppsetningu tóku Helga Gréta Ingimundardóttir og Bára Snæfeld.

Mynd: Helga Gréta Ingimundardóttir
Lesa áfram „Vetrarmyndir á veggjum Skotsins“

Heimsókn í Kvikmyndasafn Íslands

Eitt af því sem við gerum í Fókus er að fara í áhugaverðar heimsóknir. Við þökkum Kvikmyndasafni Íslands kærlega fyrir frábærar mótttökur þann 5. mars 2026. Gildi þess að eiga svona öflugt kvikmyndasafn er ómetanlegt. Starfsfólk safnins hefur undanfarið staðið sig með prýði við að auka aðgengi almennings að þeim verðmætum sem þar er að finna. Það er m.a. gert með því að afrita efni á stafrænt form og setja það fram á aðgengilegan hátt til dæmis á https://www.islandpaafilm.dk/. Þau Ester Bíbí Ásgeirsdóttir og Gunnar Kristófersson tóku á móti okkur með miklum myndarbrag. Fókus þakkar þeim, Þóru Sigríði Ingólfsdóttur forstöðumanni safnsins og öðru starfsfólki fyrir yndislega kvöldstund. Úrvals góðar myndir Kristjáns frá heimsókninni fylgja. Myndirnar hans hjálpa okkur að muna áfram eftir þessar góðu samverustund.

Mynd: Kristján U. Kristjánsson
Lesa áfram „Heimsókn í Kvikmyndasafn Íslands“

Fókus í Krísuvík

Stór hluti af gildi þess að vera í Fókus er að fara saman í styttri og lengri ferðir og njóta þess að taka myndir. Fólk mætir alltaf í góðu skapi, er alltaf tilbúið að aðstoða hvert annað. Eftir ferðirnar er svo gaman að sjá hvernig myndir hinir tóku og hugsa með sér „sniðugt sjónarhorn, sniðug aðferð, falleg mynd, frábær félagsskapur.“

Pistill Önnu Soffíu sem tekur þátt í kröftugu skipulagi ferðanefndar fylgir:

Fyrsta dagsferð Fókus á nýju ári var farin laugardaginn, 21. febrúar. Alls lögðu 12 félagar í leiðangur ásamt hundinum Lóu. Tíu félagar lögðu bílum við Grænavatn og gengu flestir að Austurengjahver, einn heillaðist af Grænavatni, en tveir félagar til viðbótar byrjuðu myndatöku við Kleifarvatn og fóru nokkuð aðrar leiðir, sem tillögur ferðanefndar höfðu bent á sem valkosti.

Lesa áfram „Fókus í Krísuvík“

Samsýning Fókusfélaga í Ljósmyndasafni Reykjavíkur opnuð

Það var góð stemming í Ljósmyndasafni Reykjavíkur föstudaginn 9. janúar þegar um 60 manns fögnuðu opnun sýningarinnar Skotið í Fókus.

Stefán Hrafn Jónsson, formaður Fókus, ávarpar gesti opnunarinnar. Mynd: Tryggvi Már Gunnarsson
Lesa áfram „Samsýning Fókusfélaga í Ljósmyndasafni Reykjavíkur opnuð“

Jólarölt Fókus – Selfoss

Það var eitthvað sérstaklega hátíðlegt við það að þrettán félagar í Fókus hófu árlegt jólarölt á Norðlingaholti: þrettán ljósmyndararnir, hver með sitt skap, sína linsu og sína skoðun á því hvort betra væri að klæða sig eins og í fjallgöngu eða til göngu á rauða dreglinum í Cannes. Hópnum var skipt í bíla og svo ekið af stað stundvíslega kl. 12:10 yfir heiðina. Á leiðinni skiptist fólk á sögum og vangaveltum um stillingar á myndavélum í skammdeginu. Ekki var annað að sjá en að allir væru í góðu skapi — og að Gunna væri á nýju skónum. Enginn vissi hvernig dagurinn færi en eitt var víst að alltaf verður ákaflega gaman þá er fókusfélagar hittast. 

Lesa áfram „Jólarölt Fókus – Selfoss“

Sýning Fókus 2026

Fókus – félagi áhugaljósmyndara hefur verið boðið til samstarfs við Ljósmyndasafn Reykjavíkur með sýningar í SKOTINU allt árið 2026.

Alls verða þetta sjö sýningar með mismunandi þemu. Sýnendur verða fjörutíu og sex og hver sýning stendur í sex vikur.

Þemu sýninganna eru:
● Hreyfing 9. jan. –22. febr.
● Landslag 27. febr. –12. apríl
● Vetrarmyndir 17. apríl –31. maí
● Abstrakt 5. júní –19. júlí
● Götumyndir  24. júlí –13. sept.
● Svart-hvítt  18. sept. –1. nóv.
● Vatn 6. nóv. –31. des.

Félagið er afar stolt af að hafa fengið þetta boð og hlakkar mjög til samstarfsins.

Undirbúningsvinna fyrir fyrstu sýninguna, prentun mynda, gerð kynningarefnis o.fl., er nú á lokametrunum.

Opnun fyrstu sýningar er föstudaginn 9. janúar kl. 16.00-18.00

Við hvetjum ykkur til að taka daginn frá og fagna með okkur.

Sýningarnefnd Fókus 2026